DANAKMEVALI O’SIMLIKLAR UCHUN MOS ISTIQBOLLI PAYVANDTAGLAR TANLASH VA KO’CHATZORLARNI TASHKIL ETISH

Ushbu tezisda Akademik M. Mirzaev nomidagi Bog‘dorchilik, uzumchilik va vinochilik ilmiy-tadqiqot instituti tizimidagi Jizzax ilmiy-tajriba stansiyasi sharoitida danakmevali va urug‘li mevali daraxtlar uchun istiqbolli payvandtaglarni tanlash, ularni ko‘paytirish va intensiv ko‘chatxonalarni tashkil etish bo‘yicha olib borilayotgan ilmiy-amaliy tadqiqotlar yoritiladi. Hudud agroiqlim sharoitiga mos payvandtaglardan foydalanish daraxtlarning stress omillariga chidamliligini oshirishi, erta hosilga kirishini tezlashtirishi hamda intensiv bog‘dorchilik samaradorligini oshirishda muhim omil ekanligi aniqlangan. Gilos navlarining turli payvandtaglarda biometrik ko‘rsatkichlari tahlili asosida optimal nav–payvandtag kombinatsiyalarini tanlash zarurligi ilmiy asoslandi.