GENDER ROLLARI TRANSFORMATSIYASINING PSIXIK TASIRI

Mazkur maqolada zamonaviy jamiyatda gender rollarining transformatsiyasi va ushbu jarayonning shaxs psixikasiga ko‘rsatadigan ta’siri ilmiy-nazariy jihatdan tahlil qilinadi. Ijtimoiy taraqqiyot, globallashuv, urbanizatsiya hamda madaniy qadriyatlarning yangilanishi natijasida an’anaviy erkaklik va ayollik rollari mazmun jihatidan sezilarli darajada o‘zgarib bormoqda. Ushbu o‘zgarishlar shaxsning o‘zini anglash jarayoni, identifikatsiya mexanizmlari, emotsional barqarorlik va ijtimoiy moslashuviga bevosita ta’sir ko‘rsatadi. Maqolada gender rollari tushunchasining psixologik mohiyati, ularning shakllanishida ijtimoiy institutlar – oila, ta’lim tizimi, ommaviy axborot vositalari va mehnat munosabatlarining o‘rni yoritiladi. Shuningdek, gender rollari transformatsiyasining psixik oqibatlari, xususan, rol konflikti, identitet inqirozi, stress holatlari va psixologik moslashuv muammolari ilmiy manbalar asosida tahlil qilinadi. Tadqiqot natijalari gender rollarining moslashuvchan modeli shaxs psixik salomatligini ta’minlashda muhim omil ekanini ko‘rsatadi. Mazkur maqola psixologiya, pedagogika va sotsiologiya sohalarida olib borilayotgan gender tadqiqotlari uchun nazariy asos bo‘lib xizmat qiladi.