MUSIQA TERAPIYASINING TA’SIR MEXANIZMLARI

 Mazkur maqolada insonga musiqa terapiyasining ta’sir mexanizmlari ilmiy va amaliy jihatdan tahlil qilinadi. Musiqa inson psixikasi va fiziologiyasiga bevosita hamda bilvosita ta’sir ko‘rsatib, emotsional holatni tartibga solishda muhim vosita hisoblanadi. Undagi ritm, ohang va dinamika markaziy asab tizimi faoliyatiga ta’sir etib, stressni kamaytirish, kayfiyatni yaxshilash va diqqatni jamlashga yordam beradi. Shuningdek, musiqa terapiyasi yurak urish tezligi, qon bosimi va nafas olish jarayonlarini muvozanatlashtiradi. Maqolada musiqa orqali relaksatsiya, kognitiv faollikni oshirish hamda psixologik reabilitatsiya jarayonlarining samaradorligi yoritilgan. Tadqiqot natijalari musiqa terapiyasining inson salomatligini mustahkamlash va ruhiy barqarorlikni ta’minlashdagi ahamiyatini ko‘rsatadi.